Ginpasiguro sang Malacañang nga wala ginapabayaan sang gobyerno ang mga middle-income earners sa tunga sang nagapadayon nga krisis sa pungsod.
Suno kay Palace Press Officer Claire Castro kadungan sang iya pagbisita sa Iloilo City, apisar indi direkta nga cash assistance ang ginabaton sang middle class earners, dako man gihapon ang bulig nga ginahatag sang gobyerno sa ila pinaagi sa iban nga mga programa.
Ginpahayag ni Castro nga isa sa mga ini amo ang paghatag sang diskwento, ilabi na sa mga nagasakay sa Light Rail Transit nga makabulig sa pagpanubo sang ila adlaw-adlaw nga galastuhon.
Dugang pa diri, ginpahibalo man sang Malaca ang nga ginpatuman ang suspensyon sa presyo sang LPG kag kerosene agud mapahagan-hagan ang epekto sang nagataas nga presyo sang langis bangud sa tensyon sa Middle East.
Magluwas sini suno sa iya, may mga programa man ang Social Security System (SSS) kag Government Service Insurance System (GSIS) nga makabenepisyo sa publiko.
Dugang pa sini, padayon nga ginatutukan sang gobyerno ang mga pamaagi agud masuportahan ang nagkalain-lain nga sektor subong nga mabudlay ang sitwasyon.
