Ginpunto sa homily kaina sang aga sa Jaro Metropolitan Cathedral nga ang mga katawhan sa sini nga kalibutan may ara sang misyon sa pagpalapnag sang pulong sang Diyos.
Sa mensahe ni Rev. Fr. Aris James Java, parish priest, iya ginpahayag nga dapat may tion ang isa ka tawo sa pagpakigbahin sang gugma sang Diyos ilabi na sa mga tawo nga labi nga nagakinahanglan sini.
Suno pa sa iya nga ang pulong sang Diyos nagahatag sang paglaom kag nagahangkat sa tawo nga bag-uhon ang isa ka malain nga paminatasan sini bilang isa ka indibidwal agud makapalapnag sang kaayuhan.
Sa sini nga paagi, ginahangkat ang mga tumuluo nga magbag-o kag magkabuhi sa paagi nga maayo kag may ara sang ginabasehan kaangay sang pulong sa Diyos nga iya ginapabatyag sa mga tawo nga nagapangayo sa iya.
Ginpahayag man sini nga kun ang isa ka tawo nakabaton sang paghidait, kinahanglan man sini nga ipakigbahin sa iban.
Ginpahanumduman man ni Father Java ang importansya sang padayon nga pag-attend sang santos nga misa, bangod ini ang ginahalinan sang espiritwal nga kusog sa pagpadayon sa sini nga kabuhi.
