Patay sa shootout ang tatlo ka ginadudahan nga drug pushers kalakip na ang ginatudlo lider sang bag-o natukod nga drug group matapos nagbato sa otoridad sa buy-bust operation sa Escalante City, Negros Occidental.
Suno sa mga otoridad, nakamutik ang mga suspek nga mga law enforcers ang ila nga naka-transaksyon gani nagpalupok sila sang pusil.
Didto na nagbalos ang otoridad kag naigo ang mga suspek.
Ang mga napatay amo sanday alyas “Joseph” nga may tatlo ka warrants of arrest, alyas “Roy”, kag alyas “Piolo” nga lunsar residente sang amo nga syudad.
Narekober sa mga suspek ang 13 gramos sang shabu nga nagabalor P88,400.
Magluwas sa shabu, narekober man sang otoridad ang isa ka M16 rifle, duwa ka cal .45 pistol, mga bala kag iban pa.
Padayon pa ang imbestigasyon agud matumod kun sin-o pa ang may kaangtanan sa amo nga drug group.
