Gilayon nga nagpagwa sang tsunami advisory ang mga otoridad sa Japan matapos gintay-og ini sang magnitude 7.5 nga linog ang northeastern coast sang Japan kahapon nga adlaw, Abril 20.
Ini may epicenter sa Pacific Ocean nga malapit sa coastal area kag may kadalumon nga 10 kilometers.
Sa interview sang Bombo Radyo kay Josel Palma, Bombo International Correspondent sa Japan, iya ginpahayag nga gilayon nga nagmando ang Prime Minister sang Japan sa pag-set sang emergency task force agud magresponde sa sitwasyon.
Ginpanugyanan man gilayon ang mga residente nga maglikaw sa mga delikado nga lugar kag magsaylo sa safe nga pagahamtangan.
Samtang, ginkumpirma man sang mga awtoridad nga wala sang casualty kag padayon pa ang assessment sang mga otoridad sa mga apektado nga lugar.
