Ipaguwa na subong nga adlaw sang Appeals Chamber sang International Criminal Court (ICC) ang ila desisyon kaangot sa apelar ni former president Rodrigo Duterte sa isyu sang hurisdiksyon sa kaso.
Ipagwa ang judgment sa korte sa The Hague, Netherlands 11:00 sa aga oras sa amo nga pungsod, kag alas singko karon sa hapon naman oras diri sa Pilipinas.
Nauna na nga naghingyo si Duterte sa korte nga indi siya magtambong kun basahon na ang desisyon.
Gin-waive sini ang iya kinamatarong nga magtambong kag iga-representar lamang siya sang iya nga mga abogado.
Matandaan nga sang Oktubre 23, 2025, nagdesisyon ang ICC Pre-Trial Chamber I nga nagabasura sang petisyon ni Duterte nga naga-challenge sang hurisdiksyon sang korte sa mga kaso nga gin-file batok kay Duterte.
Suno sa pre-trial judges, may yara gihapon sang hurisdiksyon ang ICC sa alleged crimes against humanity nga nakomiter sang myembro pa ang Pilipinas sa ICC.
Ginpasaka ni Duterte ang petisyon sa Appeals Chamber. Lima ang judges sa Appeals Chamber nga lain man sa judges nga yara sa Pre-Trial Chamber I.
Nahibaluan nga nagapangatubang si Duterte sa three counts of murder nga crime against humanity bilang indirect coperpetrator sa mga pagpamatay sang ginpatuman ang drug war.
Bantayan ang updates sa Bombo Radyo Philippines, sa tanan sini nga digital platforms, kag sundan man ang mga balita kaangot diri sa www.bomboradyo.com.
