Posible maglawig sang duha tubtub lima ka tuig ang trial sa kaso ni former President Rodrigo Duterte sa International Criminal Court (ICC).
Magluwas pa ini sa preparation stage nga magalawig sang anum ka bulan tubtub isa ka tuig kag tunga.
Suno sa Ilonggo human rights lawyer nga si Atty. Gilbert Andres nga isa sa duha ka common legal representatives nga gin-appoint sang ICC para sa drug war victims, posible nga Oktubre 2026 ang pinaka-temprano nga pag-umpisa sang trial, ukon sa Oktubre 2027.
Ginalantaw sini nga mas madasig ang trial sa kaso ni Duterte nga crimes against humanity ipaanggid sa iban nga pending nga kaso kaangay sang war crimes kag genocide.
Kahapon sang gin-confirm sang Pre-Trial Chamber I ang three counts sang crimes against humanity vs Duterte — buot silingon, ipasaka na ini sa Trial Chamber.
Ginpagwa ang desisyon sang Pre-Trial Chamber I isa ka adlaw lang matapos nagdesisyon man ang Appeals Chamber nga may hurisdiksyon ang international tribunal sa kaso batok sa former Philippine president.
.){kind=link}