Nagpanguna ang Western Visayas nga may fastest-growing economy sa bilog nga Pilipinas sang tuig 2025 suno sa Philippine Statistics Authority (PSA).
Suno kay PSA – Regional Statiscal Services Office 6 Director Nelida Amolar, naka-angkon sang Western Visayas sang 6.4% nga pagsaka sang Gross Regional Domestic Product nga mas mataas kun ikumparar sa 4.4% sang nagliligad nga tuig 2024.
Base sa datos, naglab-ot sa P683.4 billion ang kabilugan nga balor sang produkto kag serbisyo ang nahimu sang rehiyon sang tuig 2025 ikumparar sang tuig 2024 nga yara lamang sa P642.7 billion ang Gross Regional Domestic Product.
Nagapanguna nga nakabulig diri amo ang share sang Services Sector nga yara sa 66.5%, Industry Sector nga yara sa 18.6%, kag Agriculture, forestry and fishing nga yara sa 14.9%.
Pahayag ni Amolar, ang may pinakadako nga contributor naman sa ekonomiya sang rehiyon amo ang agriculture, forestry and fishing nga may yara sang 1.4 percentage points kaupod ang industry kag services.
Dugang pa niya, nag-saka ang growth sa agrikultura bangud sa pagtaas man sang production sang crops kaangay sang palay, mais kag tubo.
Base man sa datos, nagpabilin nga manubo ang unemployment rate sa 4.1% nga nagapakita sang madamo nga oportunidad sa trabaho para sa mga pumuluyo.
