Nagpahanumdom si Rev. Fr. Aris James Java, sa iya homily kaina sang aga sa Jaro Metropolitan Cathedral nga ang Diyos, isa ka maayo nga manugbantay kag nagasapupo sa mga tawo nga nagakadulaan sang paglaom.
Suno pa sa iya nga sa kada desisyon sang tawo sa iya kabuhi dapat idangop sini sa Diyos agud mangin klaro ang proseso sang iya mga plano.
Suno pa kay Fr. Java, wala nagapabaya ang Diyos kag permi ini nagabulig sa mga tawo nga nagapalapit sa iya.
Ginpunto man sini nga wala sang pinilian ang Diyos kag tanan nga kasakit kag kabudlayan nga naeksperyensyahan sang mga tawo sa sini nga kabuhi, nahibaluan sini kun paano bulngon kag paayuhon.
Nagpanugyan man ini nga permi maghandom sang bag-o kag manami nga kabuhi bangud ang Diyos wala nagapangbasol kag wala nagakondenar sa mga sala nga ginbuhat sang tawo.
Ginapasiguro man sini sa mga tumuluo nga ang Diyos isa ka maayo nga Tagahatag sang tanan nga kinahanglanon sang tawo, kag wala gid sang kulang ukon maulihi sa Iya pag-atipan.
