Isa ka panibag-o nga milestone sa iya musical career ang nalab-ot sang Bombo International Correspondent sa Tennessee, USA nga si Dee Donasco-Thompson.
Ini matapos ang madinalag-on nga pag-release na sang iya single nga “I Never Walk Alone” sang Abril 21 kag available na sa mga streaming platforms.
Ang kanta ginsulat sang award-winning singer-songwriter nga si Laura Sawosko.
Suno kay Donasco-Thompson, ang ambahanon ang orihinal nga ginsulat bilang isa ka personal prayer sang 2009 tubtob nga gin-develop agud mangin full musical composition sang Enero 2026.
Pahayag niya, wala gid ini nag-ekspektar nga siya ang pilion agud magkanta sang amo nga ambahanon gani dako gid ang iya pagpasalamat sa kahigayunan nga ginhatag sa iya.
Gin-record ang kanta sa historic RCA Studios sa Nashville, Tennessee kag ang music video ang gin-film sa Cathedral of the Incarnation sa Nashville.
Matapos ang release, gina-display naman sa billboard sa downtown Nashville ang amo nga album nga yara ang man makit-an ang nawong ni Dee.
Nagapati si Thompson nga plano sang Diyos ang tanan agud nga gamiton ang iya tingog bilang instrumento agud maghatag sang paglaum sa iban ilabi na ang tema sa kanta amo ang paglaum sa kabuhi kag assurance nga ang Diyos wala nagapabaya.
