Patay gid ang tatlo ka tuig nga bata nga babaye samtang pilason ang walo ka iban pa kalakip ang lima man ka kabataan matapos nabungguan sang salakyan.
Natabo ini sa kilid sang dalan sa Brgy. Imelda, Tolosa, Leyte.
Dead-on-arrival sa ospital ang amo nga bata matapos nag-angkon sang dalagko nga pilas.
Ginabulong naman sa ospital ang lima ka kabataan nga nagaedad 10 , 9, 7, 5, kag 1 ka tuig.
Base sa imbestigasyon, nadulaan sang kontrol sa manibela ang 55-anyos nga driver sang Mitsubishi Adventure kag gin-arado ang mga biktima.
Arestado naman ini kag nagapangatubang sang kaso.
