Nagbalik si Alex Eala sa paghanas sa Rafa Nadal Academy antes ang iya natalana nga pagpasakop sa Italian Open.
Gin-post sang academy ang pictures ni Eala sa training sa clay courts sa Mallorca facility nga may caption: “She’s home.”
Nag-withdraw anay ang world no. 44 Filipina tennis star sa WTA 125 Catalonia Open kasunod sang iya paghampang sa Madrid Open kun sa diin nalutos siya sa Round of 64 sa singles kag sa Round of 16 sa doubles.
Ginahandaan na sini subong ang Italian Open nga maga-umpisa naman sa masunod nga semana.
Isa ini ka WTA 1000 event kag magamarka sang latest clay-court campaign ni Eala kasunod sang iya paghampang sa Linz Open, Stuttgart Open, kag Madrid Open.
Loaded ang field sa Italya nga nagalakip kanday Aryna Sabalenka, Elena Rybakina, Coco Gauff kag defending champion nga si Jasmine Paolini.#
