Padayon nga naga-withdraw ang mga foreign investors sa Philippine Market humalin sang bulan sang Marso bangod sa nagalala nga epekto sang kinagamo sa Middle East.
Suno sa Bangko Sentral ng Pilipinas, naka-record sang 1.96 bilyon US dollar ang napagwa sa foreign portfolio investments, isa sa pinakadako sa sulod sang tatlo ka bulan.
Pinakadako nga bahin sang napapagwa nga pondo halin sa government securities kaangay sang Treasury bonds kag bills nga naglab-ot sa 1.3 bilyon US dollar, samtang ang stock market naka-record man sang 653 milyon US dollar nga napaguwa.
Ini nagresulta sa pagnubo sang main index nga nagnubo sa 5,000, samtang nagsaka man ang yield sang 10-year government bonds sa masobra 6% tubtob 7%, nga nagapakita sang paghalong sang foreign investors.
Bangod sini, nagluya ang piso kag naglapaw sa 61 pesos kada dolyar.
Bilang sabat, ginpasaka sang central bank ang interest rate sa 4.5% agud mapunggan ang inflation kag masuportahan ang piso.
Apang ginapaabot nga magapadayon ang pagguwa sang kapital halin sa mga emerging markets, gani ginpanubo man sang BSP ang ginapaabot nga masulod nga foreign investments para sa 2026.
