Nagpahanumdom si Rev. Fr. Michael Reeve Sogo-an sa iya homily kaina sang aga sa Jaro Metropolitan Cathedral nga ang kabuhi sang tawo dapat mangin isa ka espiritwal nga halad para sa Diyos.
Suno pa sa iya nga ang pag-alagad sa Diyos indi lamang makita sa dalagko nga hinimuan sang tawo apang dapat ginakabuhi ang misyon sang Diyos sa pang adlaw-adlaw nga pagpanglakaton sang tawo.
Ginpahayag man ni Father Suguan nga indi isa ka gamay nga butang ang mapinatawaron nga tagipusuon, isa ini ka manami nga halad sa Diyos kun sa diin ang tawo nga nagapasensya apisar nga mabudlay para sa iya.
Ginpaanggid pa sini nga tanan nga kaayuhan nga ginsunod sang tawo sa Diyos ang isa ka pamaagi sa pagtukod sang espiritwal nga balay sa langit.
Dugang pa sini nga ang pagkabalaan ukon pagkatampad sa pagsunod sa Diyos isa ka manami nga butang agud mapalapnag ang iya maayo nga binuhatan sa kalibutan nga dapat mangin kaupod sang tawo ang Diyos sa iya kabuhi.
Nagpahanumdom man ini sa mga tumuluo nga magpadayon sa ila pagtuo apisar sa tunga sang pag-antos kag magsalig sa Diyos bangud wala nagapabaya ini.
