Ginpaidalom liwat sa autopsy ang bangkay nga nasapwan nga nagakasunog sa Greenmeadows Subdivision, Brgy. Ungka 1 Pavia, Iloilo kaagahon sang Abril 29, 2026.
Ang nag-execute sang ikaduha nga autopsy amo si Dr. Owen Libaquen.
Ipaidalom man ang nasambit nga lawas sa histopathological examination agud mas mahibaluan ang presensya sang posible nga hematoma ukon traumatic wounds, ilabi na sa ulo, trachea kag lungs sang biktima.
Ginpahayag man nga positibo nga liwat na-identify sang pamilya ang lawas bilang kay Frank Rois Barbasa bangud sa injury nga makita sa iya left forearm.
Samtang, sa pihak nga bahin, wala sang ihibalo ang Pavia PNP nga may ginpatigayon nga secondary autopsy ang pamilya ni Frank Rois Barbasa sa sunog nga bangkay nga nasapwan sa sulod sang Subdivision sa Brgy. Ungka I, Pavia, Iloilo pasado ‘las 4 sang kaagahon sang Abril 29, 2026.
Sa interview sang Bombo Radyo kay PCapt. Ritz Field Presquito, hepe sang Pavia Municipal Police Station, iya ginpahayag nga wala nakakoordinar sa ila ang pamilya ni Frank Rois nga ini ang liwat ipaidalom sa autopsy.
Dugang pa sang natungdan nga wala ini sila sang gahum kun sin-o ang ipadala nga doctor sang Regional Forensic Unit agud magpatigayon sang autopsy nga una na nga gin-execute ni Dr. Fuentes.
Apisar sini, ang una sa gihapon nga resulta sang autopsy ang ibutang nila sa ila nga imbestigasyon.
Subong nga adlaw ginpatigayon ang ika-duha nga autopsy nga ginpatigayon ni Dr. Owen Libaquen kag positibo ini nga gin identify sang iya amay nga ini si Frank Rois bangud sa healed wound sa iya left forearm.
Ipaidalom naman sa Histopathological examination ang iya ulo, trachea, kag lungs agud ma-determiner ang cause, manner, kag mechanism sang kamatayon sang bangkay nga tuman ka importante agud makita ang injuries ukon toxic effects.
Madumduman nga nagwa sa una nga resulta sang autopsy sa bangkay nga wala ini sang foul play kag pagkasunog ang gintunaan sang kamatayon.
