Nanindugan ang chairperson sang House Committee on Justice nga wala sila sang shortcut kag wala nagdali sang nagpatigayon sang hearings sa impeachment complaints batok kay Vice President Sara Duterte.
Suno kay Batangas Rep. Gerville Luistro, wala nila ginpabay-an ang ila mandato sa impeachment proceedings bisan pa may mga press conference, pagpasaka sang mga petisyon sa Supreme Court of the Philippines, kag pag-file sang reklamo sa city prosecutor’s office.
Dugang pa niya, ang kada tikang sang impeachment proceedings ginpatuman nila sang may daku nga paghalong bangod naga-atubang sila sang proseso nga konstitusyonal kag mga alegasyon batok sa ikaduha nga pinakamataas nga opisyal sang pungsod.
“Sinunod natin ang Konstitusyon. Hindi tayo nagmadali; hindi tayo nag-shortcut,” suno kay Luistro sa pagtipon sang panel members, Mayo 4. “We honored the process.”
“Bawat hakbang, bawat salita, bawat ebidensya, hinarap natin nang buong pag-iingat at pananagutan,” dugang sini.
Nagsugod ang komite sang impeachment proceedings sang Marso 2 kag ginpahayag nga bastante ang reklamo in form. Sang Marso 4, ginpamatud-an nga bastante ini sa substance, kag sang Marso 18, ginpahayag nga may bastante nga basehan. Sa hearing sang Marso 15, gin-discuss sang komite ang preliminary matters and subpoenas.
Ginpatigayon naman ang pagpresentar sang ebidensya sang Abril 14, 22, kag 29, tubtub nga kahapon, gin-aprubahan na ang committee report nga nagaestablisar nga may probable cause sa impeachment complaints batok sa vice president.
Sa 55 ka mga mamalidha, 55 man ang pabor sa mosyon.
“We heard the evidence. We examined the evidence,” suno kay Luistro. “We certainly had our ups and downs. We had our inflows and outflows of testimonies and documents.”
“But through it all, one thing remained certain: we never went sideways. Hindi tayo naligaw. Nanatili tayong may direksyon,” dugang sang kongresista.
Natalana nga botohan sa plenaryo ang amo nga report kag kun makakuha sang 1/3 nga boto sang bilog nga lower chamber, ipasaka ini sa trial sa Senado nga amo ang maga-convene bilang impeachment court.
Una na nga ginpahayag ni Senate President Pro Tempore Ping Lacson nga posible nga Hunyo magasugod ang impeachment trial.#
