Ginpangunahan ni Iloilo City Mayor Raisa Treñas ang opisyal na nga pagbukas sang Cooling Station sa bahin sang Diversion Road sa Mandurriao, subong nga Mayo 6, 2026.
Ini kasunod man sang pagbukas sang cooling hub sa bahin sang General Luna Street.
Sa interview sang Bombo Radyo kay Treñas, iya ginpahayag nga isa lamang ini ka temporary nga solusyon sang Iloilo City Government agud nga mabuligan ang mga pumuluyo subong nga mabatyagan ang mainit nga panahon.
Ginpakigbahin man niya nga may ara man sang pila ka programa ang siudad kaangay sang tree kag mangrove planting nga dako gid ang mabulig sa pagmintinar sang mas mabugnaw nga palibot sa siudad.
Madumduman nga maga-operate naman sa mga masunod nga adlaw ang cooling station nga igahamtang sa bahin sang Plazoleta Gay.
