Nasunog ang tatlo ka balay sa Barangay Mohon, Arevalo, Iloilo City malapit sa Ceres Terminal, pasado alas dos subong gid lamang nga hapon, Mayo 7, 2026.
Sa interview sang Bombo Radyo kay Senior Fire Officer 1 Denmark Macoco, hepe sang investigation and Intellegence Unit, Iloilo City Fire Station, iya ginpahayag nga tatlo ka mga balay ang totally damaged.
Suno kay Macoco, bangud nga human sa light materials ang mga balay, madasig nga naglapta ang kalayo.
Nahibaluan nga nag-umpisa ang sunog alas-2:39 sang hapon kag ginpahayag nga fire under control alas-2:49 sang hapon.
Gindeklara naman nga fire out sang Bureau of Fire Protection ang sunog alas-3:08 sang hapon.
Padayon naman ang imbestigasyon sang mga otoridad kun pila ang bili sang mga propedad nga nadala sa sunog.
