Napaguwa na sang International Criminal Court (ICC) ang warrant of arrest batok kay Senator Ronald “Bato” Dela Rosa.
Ginapahayag nga nabaton naman sang International Police Organization (Interpol) ang arrest warrant kag yari na sa Pilipinas ang ila nga mga representative.
Apang kun basehan si Interior Secretary Jonvic Remulla, wala pa ini sang impormasyon nga nabaton nga may yara na sang arrest warrant. Suno man kay Department of Justice (DOJ) Spokesperson Atty. Polo Martinez, as of press time, wala pa sila sang nabaton nga impormasyon kaangot sa ginaalegar nga arrest warrant.
Nahibaluan nga isa si Dela Rosa sa mga ginpangalanan nga co-perpretrators ni Duterte sa kaso sini nga crimes against humanity kaangot sa kontrobersyal nga war on drugs.
Matandaan nga sang Nobyembre 2025 pa sang una nga nagguwa ang impormasyon nga may arrest warrant na batok kay Dela Rosa rason nga wala na ini nagtambong sa tanan nga session sang Senado.
CO-PERPETRATORS NI DUTERTE
Sadtong Pebrero pa lamang, nalakip na si Dela Rosa kag si Senador Christopher Lawrence “Bong” Go sa mga gin-identify sang ICC nga CO-PERPETRATORS ni former President Rodrigo Duterte sa ginapahayag nga pagkomiter sang crimes against humanity nga may kangtanan sa drug war.
Nalakip ang ila pangalan sa redacted version sang Document Containing Charges (DCC) nga ginpasa sang Office of the Prosecution nga napetsahan sang Feb. 13, 2026.
Yari ang listahan.
Ronald “Bato” Dela Rosa
Vicente Danao
Camilo Cascolan
Oscar Albayalde
Christopher Lawrence “Bong” Go
Dante Gierran
Isidto Lapeña
Vitaliano Aguirre II
iban pa nga myembro sang PNP kag high-ranking officials.
Sandig sa DCC, ginmanduan ni Duterte ang mga myembro sang DDS (Davao Death Squad) kag ang National Network nga i-komiter ang mga krimen nga nakabutang sa Counts 1-3 nga amo ang masunod:
a. Count 1: Murders in or around Davao City during the Mayoral period by the DDS;
b. Count 2: Murders of High-Value Targets during the Presidential period;
c. Count 3: Murders and attempted murders in barangay clearance operations during the Presidential period”
Covered sang kaso ang Nobyembre 1, 2011 tubtub sa Marso 16, 2019.
Nahibaluan nga ang kaso ni Duterte ang ginpasaka na subong sa Trial Chamber para sa full-blown trial.#
 ang warrant of arrest batok kay Senator Ronald "Bato" Dela Rosa.){kind=link}