Nakabaton sang cash assistance halin sa Iloilo City Government subong nga adlaw, Mayo 14 ang 24 tanan ka mga repatriated overseas Filipino workers (OFWs) nga residente sang syudad.
Sa interview sang Bombo Radyo kay Joy Fantilaga Gorzal, spokesperson ni Mayor Raisa Treñas, ginpahayag sini nga kalabanan sa mga OFWs nga nakabaton sang assistance ang naghalin sa Middle East.
Nakabaton ang mga ini sang 10 mil pesos kada isa bilang bulig sang City Government agud makabangon liwat ang mga ini matapos ang ila pagpauli sa pungsod.
Suno kay Gorzal, may yara pa sang lima ka OFWs nga nagapadayon nga ginaproseso ang ila mga requirements agud makabaton man sang assistance.
Dugang pa sini, indi lamang pinansyal nga bulig ang ginahatag sang syudad kundi plano man nila nga pasangkaron ang skills and ability sang mga OFWs nga nagpauli paagi sa patigayunon nga training programs.
Ginpahayag man ni Gorzal nga paagi sa Public Employment Service Office ukon PESO Iloilo City, buligan ang mga repatriated OFWs sa pagpangita sang trabaho bilang kabahin sang long-term nga bulig sang syudad para sa ila.
