Ginbulgar ni Acting Senate Sergeant-at-Arms Mao Aplasca nga naghingyo si Senator Ronald “Bato” dela Rosa nga ipaidalom siya sa kustodiya sang Philippine National Police (PNP).
Suno kay Aplasca, nabatian niya ang request sang nagkit-anay sanday Dela Rosa kag PNP Chief Police General Jose Melencio Nartatez Jr. kag Interior and Local Government Secretary Jonvic Remulla.
Ginapahayag nga ang partikular nga ginhingyo ni Dela Rosa amo ang isa ka hulot sa White House ukon ang ginapuy-an sang PNP Chief sa sulod sang Camp Crame sa Quezon City.
Suno pa kay Aplasca, nagsabat pa si Nartatez nga mahimo makatinir si Dela Rosa PNP Custodial Center nga ginatiniran man sang iban nga indibidwal nga may high-profile nga mga kaso. Nagkadlaw pa sang amo nga tion si Aplasca kag si Remulla kag indi sigurado kun nagalahog si Nartatez.
Kun si Aplasca ang palantawon, seryoso si Dela Rosa sa iya nga request ilabi na nga nakamuno ini nga nagabatyag siya nga indi na siya safe sa sulod sang Senado.
“He did not say that he will go into hiding, but what I will say is that Senator Bato, with what happened, I felt his anxiety and concern, so when he went down he talked to Secretary Remulla and Chief PNP, and offered to Chief PNP if he can stay under the custody of the PNP,” suno kay Aplasca.
“The answer of the Chief PNP—I don’t know if it’s a joke—he said they have a space but it is in the custodial facility. So we found that funny. Part of those who laughed was (Remulla) but Senator Bato told the Chief PNP that we can talk about that.”
Ini nga pahayag ang kasunod sang kumpirmasyon halin kay Senate President Alan Peter Cayetano nga nagbiya si Dela Rosa sa Senado kaupod kay Sen. Robinhood Padilla 2:30 kahapon sang kaagahon, Mayo 14.
