Ginalantaw ni Senator Risa Hontiveros kadungan man sa iya pagbisita diri sa Iloilo nga ang pagpatuman sang mga preventive solutions ang isa sa mangin tikang agud malikawan ang masami nga nagaluntad nga yellow kag red alert status sa Probinsya sang Iloilo.
Suno kay Hontiveros, isa sa dapat tutukan amo ang pagsiguro nga may nagakaigo nga renewable energy nga ma-upload sa power grid kag indi na pagpunggan sang compliance requirement sang iban nga stakeholders.
Ginpahayag man sang senadora nga kinahanglan mapadasig ang paggamit sang renewable energy agud malikawan ang kakulangan sa suplay sang kuryente kag mapabilin nga estable ang serbisyo sa publiko.
Dugang pa sini, may yara siya sang gina-propose nga layi agud mabuhinan ang ginabayaran sang mga Pilipino sa kuryente ilabi na sa tion sang peak summer season kun sa diin mataas ang konsumo sang kuryente.
Kabahin sang layi amo ang pagbuhin sang VAT ukon value-added tax nga ginabayaran sa kuryente agud mabuligan ang mga consumers.
Suno pa kay Hontiveros, importante ang ini nga tikang bangud madamo nga pamilya ang nagakinahanglan sang bulig sa tunga sang mataas nga temperatura kag pagsaka man sang iban nga balayran sa adlaw-adlaw nga tanan.
