Ginpahanumdom sang Commission on Elections (Comelec) sa publiko nga subong na, Mayo 18, ang katapusan nga adlaw sang pagparehistro sang mga botante para sa masunod nga barangay and Sangguniang Kabataan elections (BSKE).
Suno sa Comelec, ang mga aplikasyon nga mapasa sa (ukon antes sang) katapusan nga adlaw iga-proseso kag beripikahon gihapon, lakip na ang pagrepaso sang Election Registration Board (ERB).
Ang katapusan nga hearing sang ERB natalana sa Hunyo 1.
Nagsugod ang voter registration sang Oktubre 20, 2025 tubtob Mayo 18, kag bukas ang mga registration center halin Martes tubtob Sabado, lakip ang mga holiday, halin alas-8 sang aga tubtob alas-5 sang hapon.
Mahimo makarehistro ang mga aplikante sa ila lokal nga Office of the Election Officer ukon sa mga ginpili nga satellite kag mall registration sites.
Sa idalom sang mga pagsulundan sa eleksyon, kwalipikado magparehistro ang mga Pilipino nga nag-edad sang 18 anyos ukon sobra pa sa adlaw sang eleksyon, nagapuyo sa Pilipinas sang indi magnubo sa isa ka tuig, kag naga-estar sa lugar nga ila botohan sang indi magnubo sa anum ka bulan antes sang eleksyon.#
.){kind=link}