Ginpakakas na bilang head coach sang Dallas Mavericks si Jason Kidd.
Sa sulod sang lima ka tuig nga pagserbe sini sa Mavericks, ginpangunahan sini ang team nga makuha ang Western Conference championship sang 2023-24 season.
Apang, may tatlo man ka “losing seasons” ang Mavericks sa iya pagpamuno.
Sa official statement sang team nga ginpagwa kahapon nga adlaw, Mayo 20, ginpasalamatan sang Dallas si Kidd para sa iya dako nga kontribusyon bilang anay basketball coach sang koponan.
Ginbuyagyag man sang team nga dako ang iya bulig sa franchise, ilabi na sang nadala niya ang Mavericks sa NBA Finals sang tuig 2024.
Una nga nagpirma si Kidd sang contract extension sang Oktubre 2025 kag may nabilin pa kuntani siya nga apat ka tuig sa team, upod ang 40 million US dollar nga sweldo.
Apisar sini, nagsugtanay na ang team management kag kampo ni Kidd nga tapuson na ang ila relasyon.
