Matapos ang madinalag-on nga performance sang P-Pop group nga BINI sa Coachella Valley Music and Arts Festival, liwat naman nga magapasundayag ang grupo sa ila world class performance sa ila nga Signals World Tour.
Magapatigayon sang concert ang mga ini sa Asya, North America, Canada, kag Europe umpisa Hunyo tubtob Nobyembre 2026.
Lakip sa lugar nga ila pagakadtuan amo ang Manila, Los Angeles, Toronto, London, Singapore, Paris kag Honolulu.
Nahibaluan nga padayon nga naga-angkon sang madamo nga kadalag-an ang BINI bangud sa ila mga sold out concerts, binilyon nga mga streams amo man ang ila international collaborations.
May ara naman ang mga ini sang 100 million ka mga followers sa ila nga social media kun sa diin ginakilala ang mga ini bilang isa sa pinakasikat nga Filipino pop groups sa kalibutan.
