Patigayunon na subong nga adlaw ang Game 3 sa Western Conference Finals nga maga-umpisa 8:30 subong nga aga, oras sa Pilipinas.
Magakontrahanay ang San Antonio Spurs kag Oklahoma City Thunder.
Antes ang ila nga pag-atubangay kinahanglan anay sang mga ini nga siguraduhon ang ila mga players bangud man sa sunod-sunod nga mga injuries nga nakuha sang mga ini.
Sa matandaan nga bangud sa right leg injury sang Filipino-American kag San Antonio Spurs guard nga si Dylan Harper sa Game 2 sini indi anay ini makahampang.
Wala naman sang kasiguraduhan kun makahampang ang ila myembro nga si De’Aaron Fox bangud man sa ankle sprain sini nga nakuha sang nagligad nga hampang.
Samtang, sa Oklahoma City Thunder naman wala sang kasiguraduhan kun magapakita si Jalen Williams matapos ang pagpin-ot sang iya hamstring sang nagligad nga Game 2.
Kampante naman ang Thunder nga madala pauli ang kadalag-an apisar may myembro nga na-injured.
Posible mangin yabi sa Game 3 ang koponan nga mas maka-adjust gilayon ilabi na sa injuries kag kun sin o man ang makalikaw sa turnovers.
1-1 na subong ang serye sa Western Conference Finals.
Nagalaom naman ang Spurs sa ila mga bata nga players, samtang, ginagamit naman sang Thunder ang kayo kag depth sini agud nga magapabilin nga mapag-on sa hampang.
