Preparado na ang pungsod Japan sa palaabuton nga pagbisita ni President Ferdinand Marcos Jr upod si First Lady Liza Araneta Marcos nga patigayunon sa Mayo 26 tubtob 27.
Suno kay Bombo International Correspondent Josel Palma direkta sa Japan, iya ginpahayag nga nakapreparar na ang mga otoridad sa Japan para sa seguridad kag maayo nga pagbaton sa Presidente sang Pilipinas.
Pahayag pa ni Palma nga makig-kita ang Presidente sa Emperor kag sa Prime Minister sang Japan para sa isa ka strategic goal agud maistoryahan ang nagkalain-lain nga isyu para sa energy security, food security, maritime security kag renewable energy nga makabulig sa padayon nga pag-uswag sang Pilipinas.
Luyag man sang duha ka pungsod nga mapabaskog pa gid ang relasyon sini sa bahin sang ekonomiya kag pagdala pa gid sang dugang nga investments nga mahimo makahatag sang mas madamo nga oportunidad sa mga Pilipino.
Nahibaluan nga ini ang una nga pagbisita sang Presidente sang Pilipinas matapos ang tuig 2015 nga ginakabig isa ka dako nga tikang para sa strategic alliance kag future international development sang duha ka pungsod.
