Nasapwan nga wala na sang kabuhi ang isa ka estudyante sa sulod sang Franklin Hall sa Central Philippine University (CPU) kahapon nga adlaw, Hunyo 9.
Ini amo ang ginkumpirma sang unibersidad pinaagi sa ila social media post.
Suno sa official statement sang CPU, ginakasubo gid nila ang pagtaliwan sang isa nila ka estudyante.
Ginpahayag man nila nga padayun sila nga magakoordinar kag magahatag sang suporta sa pamilya sang nagtaliwan nga indibdiwal.
Nagpangayo man sang pag-intindi ang unibersidad nga hatagan sang privacy ang pamilya sang nagtaliwan, subong nga masakit pa para sa himata sang estudyante ang kamatayon sini.
Wala naman sang ginhatag nga detalye ang unibersidad kasunod sang nasapwan nga bangkay sa sulod sang ila buluthuan.
 kahapon nga adlaw, Hunyo 9.){kind=link}