Ginplastar ni Iloilo Councilor Miguel Treñas nga isa sa mga rason kun nga mapadalagan ini sa pagka-kongresista sa 2028 amo ang iya amay nga si Former Iloilo City Mayor Jerry Treñas nga nangalagad man sadto bilang mamalidha.
Ini kasunod sang pagkumpirma sang iya utod nga si Mayor Raisa Treñas sang Hunyo 7, nga siya amo ang magapapili sa 2028 elections.
Sa interview sang Bombo Radyo kay Treñas, iya ginpahayag nga luyag gid sang mga nagasuporta sa iya nga padayunon nya ang maayo nga mga programa sang iya amay sang ini pa amo ang nagapungko bilang Iloilo City Lone District Representative.
Lakip na diri amo ang ginpakigbahin niya nga indi delayed nga mga proyekto sang siudad, scholarships para sa mga estudyante, mga nakay-o nga dalan, kag amo man ang mas ginpaayo nga mga Barangay hall.
Suno man sa iya, 50 tubtob 70% na sang mga kapitan sa siudad ang iya nga napalapitan kag na-istorya nahanungod sa tuyo niya nga pagpadalagan sa nagahilapit nga 2028 elections.
Nagapasalamat man ang konsehal sa mga tawo nga nakakita sang iya nga ikasarang nga magpungko bilang kongresista agud nga mas madamo pa ang iya nga mga mabuligan diri sa siudad sang Iloilo.
