Maga-sugod na ang gina-kalangkagan nga greatest show on earth nga FIFA WORLD 2026!!!
Apat ka tuig matapos nagkampyon sanday Lionel Messi kag ang Argentina sa Qatar, magabalik ang World Cup sa mas daku nga entablado nga iga-host sang United States, Canada kag Mexico.
104 ka mga hampang ang iga-feature nga magasugod subong nga Hunyo 11.
Una nga magaatubang sa group stage amo ang host country Mexico kag South Africa sa iconic Estadio Azteca subong nga adlaw.
Sundan ini sang South Korea vs. Czech Republic buwas nga adlaw, Biernes.
Kaangay nga replay sang opener sa 2010 edition sang nag-atubangay ang South Africa kag Mexico sa opening match sang tournament sa amo nga African country kun sa diin natapos sa 1-1 draw ang hampang.
Kapin 80,000 ka mga fans ang ginalauman nga magapuno sa prestigious Estadio Azteca.
Magasugod ang ila hampang eksakto las-10 sang gab-i sa Pilipinas kag aga naman sa Mexico.
Las-dos sa kaagahon naman bwas, oras sa Pilipinas, ang hampang sang South Korea kag Czech.
Bantayan ang updates sang makahalawat-hawat nga hampang diri sa Bombo Radyo Iloilo.
