Gin-anunsyo ni Presidente Donald Trump nga napatay paagi sa airstrike sang militar sang Estados Unidos sang Amerika ang lider sang Venezuelan gang nga Tren de Aragua.
Sa isa ka post sa social media, nagpahayag si Trump nga ginmanduan sini ang United States Southern Command nga magpatigayon sang madasig kag makamamatay nga kinetic strike agud mapatay si Niño Guerrero.
Si Niño Guerrero ukon Héctor Guerrero Flores sa bilog nga pangalan amo ang lider sang Tren de Aragua. Ini nga gang isa sa pinakabantog kag pinaka-makahaladlok nga mga kriminal nga grupo sa Latin America kag isa sa mga gina-target sang administrasyon ni Trump.
Gin-akusaran sang presidente ang grupo nga nagahimo sang “irregular warfare” batok sa Estados Unidos kag gindeklara niya ini bilang isa ka foreign terrorist organisation nga ginbutang sa pareho nga kategorya sang Islamic State.
Nag-post man si Trump sang video nga kun sa diin makita ang ginapatihan nga airstrike.
Ang Tren de Aragua, suno sa US State Department, nagsugod bilang isa ka gang sa prisohan nga ginpadako ni Guerrero tubtob nga nangin isa ka “transnational criminal organization.”#
