Wala pa sa gihapon sang kuryente ang masobra 30,000 ka mga konsumidor sa Mindanao matapos ang magnitude 7.8 nga linog nga nagluntad sang Hunyo 8, 2026.
Suno sa Department of Energy, nagapadayon ang ila monitoring sa duha ka electric cooperatives bangud asta subong, indi pa kompleto ang pagbalik sang ila serbisyo bangod may mga lugar nga tuman gid nga naapektuhan sang kalamidad.
Suno pa kay Energy Undersecretary Mario Marasigan, padayon ang ila nga pag-repair kag rehabilitasyon sang mga linya sang kuryente agud gilayon nga mabalik ang suplay sini.
Suno naman sa National Electrification Administration, 96% na sang mga lugar sa Mindanao nga naapektuhan sang linog ang may kuryente na liwat.
Dugang pa sang opisina, 24 sa 25 ka mga banwa sa southern Mindanao ang nabalik na ang suplay sang kuryente.
