Nangin emosyonal ang actress nga si Lotlot de Leon samtang ginklaro sini sa publiko nga indi matuod ang alegasyon nga siya kag ang iya mga utod interesado sa nabilin nga panublion sang ila iloy nga si Nora Aunor.
Ini nga isyu nagsugod matapos magsiling si Ian de Leon sa isa ka interview nga magatukod ini sang isa ka korporasyon nga mangin responsable sa pagdumala sang panublion ni Nora Aunor.
Tuman naman ang panginwala ni Lotlot sa sini nga pahayag kag nagsiling nga nasakitan siya bangud gintratar niya si Ian bilang matuod nga utod.
Pahayag pa sini nga ang iya katuyuan amo ang pagpreserbar sang handumanan kag adbokasiya sang ila iloy, kag indi ang pag-angkon sang bisan ano nga pagkabutang nga ginbilin sini.
Suno kay Lotlot, wala sila sang may ginapangayo nga panublion kag kon may nabilin man nga mga pagkabutang, handa niya ini nga ihatag kay Ian.
Para sa iya, mas importante kag isa ka prebilihiyo pa nga matawag sini si Nora Aunor nga iya iloy amo man ang leksyon kag paghigugma nga iya nabaton halin sa anay supertsar kaysa sa bisan ano nga materyal nga butang.
