DepEd: Pagpangluthang sa eskwelahan sa Tacloban, isa ka ‘high alert situation’

Ginakabig sang Department of Education (DepEd) nga “high alert situation” ang pagpangluthang sang duha ka Grade 9 students sa sulod sang San Jose National High School sa Tacloban City nga ginkamatay sang apat na ka mga indibidwal.

Suno sa DepEd, ginakondenar sini ang amo nga akto sang kasingki.

Nagpahayag ang ahensya nga padayon ini nga nagapakig-angot sa mga ahensya sang gobyerno agud nga maghatag sang medical assistance kag psychosocial interventions sa apektado nga mga estudyante kag mga personnel.

“The safety, well-being and mental health of our learners and personnel remain among the Department’s highest and most uncompromisable priorities. We remain committed to ensuring that our schools are secure, supportive environments for all,” suno sa ahensya.

“The Department considers this as a high-alert situation. Our Central Office officials, alongside regional and division office personnel, are actively on the ground, coordinating closely with school authorities and law enforcement to secure the premises and ensure safety, security and protection,” dugang pa sa statement.

Kahapon, ginmandu naman ni President Ferdinand “Bongbong” Marcos Jr. ang madalom nga imbestigasyon sa insidente. Luyag man sini nga siguruhon ang proteksyon kag safety sa tanan nga area, offices, kag mga establisyemento ilabi na sa mga eskwelahan.

Kasunod sini, nagpalab-ot na sang instruction ang Department of Justice (DOJ) sa Office of the Regional Prosecutor sa Region VIII agud matumod ang mga kamatuoran sa likod sang amo nga insidente.

Suno kay DOJ spokesman Polo Martinez, nagkoordinar na ang ahensya sa mga piskal sa Eastern Visayas, samtang padayon ang imbestigasyon sang Tacloban City Police Office kaupod ang opisina sang city prosecutor.

Ginatipon sang mga awtoridad ang importante nga mga detalye, lakip na ang pagkilala sa mga biktima, sa mga napilasan, kag sa mga tawo nga ginatudlo nga posible nga may kaangtanan sa insidente.

Nahibaluan nga yara na sa kustodiya sang mga pulis ang mga suspek nga amo sanday alias Rod, 15-anyos, kag alias Nash, 14-anyos, lunsay estudyante sang amo nga eskwelahan.

Nagagwa sa inisyal nga imbestigasyon nga nagsulod sila sa duha ka classrooms kag nagpangluthang sa 40-50 ka classmates nila sang alas nueve sa aga kahapon.#