Ginapasiguro sang Iloilo City National High School (INCHS) nga may ara sang nagakadapat kag hugot nga security measures sa sulod sang ila nga buluthuan.
Ini kasunod sang nangin shooting incident sa sulod mismo sang isa ka eskwelahan sa Tacloban City, kun sa diin mismo nga mga estudyante ang involved.
Sa interview sang Bombo Radyo kay INCHS Principal Alpha Java, iya ginpahayag nga maliban sa security guard sa ila nga gate, may ara man sang mga guwardya nga nagalibot sa sulod sang buluthuan.
Ginpakigbahin man niya nga nagapatigayon man sila sang random kag surprise inspection sa mga estudyante agud mahibaluan kun may mga bagay ang mga ini nga indi dapat dal-on.
Suno man kay Java, may ara man sang Closed-Circuit Television (CCTV) ang halos tanan nga establisyamento kag classrooms sa ila nga eskwelahan agud man nga mas mabantayan ang hulag sang mga estudyante.
Ginpahayag niya nga ini nga tikang ang may tinutuyo agud nga ma-monitor ang posible nga insidente pareho sang pagpangawat kag ilabi na kun may yara sang indi pag-intindihanay sa tunga sang mga estudyante agud nga malikawan ang ano man nga klase ginagamo lakip naman ang bullying.
 nga may ara sang nagakadapat kag hugot nga security measures sa sulod sang ila nga buluthuan.){kind=link}