Ginkumpirma sang Police Regional Office 8 (PRO 8) nga napasakaan na sang criminal complaint ang 15-anyos nga isa sa mga suspek sa pagluthang-patay sa kaangay man nila nga estudyante sa sulod sang eskwelahan sa Tacloban City.
Matandaan nga natabo ang krimen sa classroom mismo sang mga biktima sa San Jose National High School sang Hunyo 22.
Suno kay PRO 8 Public Information Office chief Police Lieutenant Colonel Analiza Armeza, ang mga kaso nga gin-file batok sa amo nga CICL(child in conflict with the law) amo ang 3 counts of murder, 3 counts of frustrated murder, kag multiple serious physical injuries.
Ang isa naman ka suspek nga 14-anyos ang yara sa kustodiya sang otoridad.
Nahibaluan nga magluwas sa bullying, ginalantaw man sang otoridad ang iban nga posible anggulo sa krimen.
