Naga-apelar ang Land Transportation Office (LTO)-6 sa mga ginikanan nga giyahan kag bantayan ang mga menor de edad nga kabataan kag indi pagtugutan nga magmaneho sang motorsiklo ilabi na nga wala pa ang mga ini sang nagakaigo nga lisensya.
Kasunod ini sang nagasaka nga numero sang mga kabataan nga nagapartisipar sa mga illegal motor racing sa rehiyon.
Sa interview sang Bombo Radyo kay Atty. Gaudioso Geduspan II, Regional Director sang LTO-6, iya ginpahayag nga madamo sa gihapon ang mga nagamaneho nga wala sang lisensya, indi rehistrado ang ila ginadala nga unit, kag wala sang nagakaigo nga ihibalo ukon pormal nga training sa pagmaneho.
Suno sa iya, importante nga mangin istrikto ang mga ginikanan sa ila nga mga kabataan nga sundon ang regulasyon sang ahensya agud malikawan ang pagtaas pa sang road accidents sa bilog nga Western Visayas.
-6 sa mga ginikanan nga giyahan kag bantayan ang mga menor de edad nga kabataan kag indi pagtugutan nga magmaneho sang motorsiklo ilabi na nga wala pa ang mga ini sang nagakaigo nga lisensya.){kind=link}