Ginapaabot sang Department of Agriculture (DA) nga maaprubahan na ang bakuna para sa ASF sa third-quarter subong nga tuig para sa commercial rollout.
Ang gina-target nga maaprubahan amo ang AVAC live vaccines nga halin sa Vietnam kag pending subong sa pag-review sang Bureau of Animal Industry (BAI).
Suno kay Agriculture Assistant Secretary Arnel de Mesa, kun maaprubahan na ang commercial rollout, mahimo na ini mabaligya sang rehistrado nga mga outlet sa bug-os nga pungsod.
Base sa pinakabag-o nga data sang BAI, may aktibo pa nga mga kaso sang ASF sa pito ka probinsiya sa lima ka rehiyon tubtob sang Hunyo 5 lakip na sa Pangasinan, Romblon, Albay, Northern Samar, Agusan del Norte, Agusan del Sur, kag Surigao del Sur.
Samtang wala pa maaprubahan ang komersyal nga paggamit sang bakuna, nagpahayag ang National Federation of Hog Farmers nga nagahimo ang local hograisers sang nanuhay-tuhay nga pamaagi agod mapunggan ang paglapta sang ASF.
Matandaan nga ang paglapta sang ASF sang 2019 nag-resulta sang daku nga pagnubo sang populasyon sang baboy kag nagresulta sa binilyon ka piso nga kapierdehan.
Base sa data sang Philippine Statistics Authority (PSA), nagnubo ang produksyon sang baboy sang 2.9 porsyento kag naglab-ot sa 1.65 milyon ka metriko tonelada sang 2025.#
