Makaluluoy ang nadangatan sang isa ka bulan nga lapsag ng lalaki matapos nga ginhaboy-haboy nga daw hampanganan sang iya kaugalingon nga iloy sa Brgy. Tres de Mayo, Digos City, Davao del Sur.
Suno sa imbestigasyon, ginkuga pa sang iloy nga ginapatihan yara sa impluwensiya sang druga ang iya nga lapsag.
Pahayag ni P/Col. Norman Yparraguirre, hepe sang Digos City Police, nabatian pa sang kaingod-balay ang paghibi sang lapsag nga si Cedrix samtang ginasakit sang suspek nga si Jocelyn.
Sang ginlingling sang mga kasilingan sa bintana, nakit-an nila kun paano ginahaboy sang pila ka beses sang suspek ang lapsag tubtob nahulog ini sa salog kag ginkuga ini.
Gintuyo pa sang mga ini nga salbaron ang bata apang bangud sa naangkon nga mga pilas, wala na ini naluwas.
Arestado naman ang iloy nga suspek.
Naggwa sa imbestigasyon nga bag-o ang insidente, nangayo sang kwarta ang suspek sa iya live-in partner apang wala ini ginhatagan.
Ginpahayag man nga posible nagasuprir sang post-partum depression ang iloy.
