Narekober ang isa ka .38 caliber kag anum sini ka bala sa sulod sang bag sa isa ka Grade 10 student sa banwa sang Barotac Nuevo.
Suno sa report, isa ka 15 anyos nga estudyante ang nagdala sang nasambit nga armas kag ginakabig na subong nga child in conflict with the law.
Gilayon man nga nagresponde ang mga kapulisan halin sa Barotac Nuevo Municipal Police Station matapos nga nagkapig-angot ang mismo nga eskwelahan sa ila nga estasyon.
Nahibaluan nga ginpaidalom ang nasambit nga menor de edad sa child-sensitive intervention process kag subong yara na sa Department of Social Welfare and Development (DSWD).
Sa pahayag sang Police Regional Office 6, ila gid nga pagasiguraduhon nga may ara sila sang padayun nga koordinasyon sa Department of Education agud mapabilin ang seguridad sang mga kabataan sa sulod sang mga buluthuan.
