Nag-abante na ang Filipina tennis star nga si Alex Eala sa second round sang 2026 Wimbledon matapos sini ginlutos sa straight sets ang world No. 75 nga si Renata Zarazua sang Mexico, 6-1, 6-2.
Natapos ang hampang sa London sa sulod sang isa ka oras kag 18 minutos.
Si Eala ang ika-29 nga seed sa Wimbledon matapos ang iya maayo nga performance sa grass court season lakip ang pagsulod sa semifinals sang Berlin Tennis Open kag ang pagkampeon sa Birmingham Open.
Ini nga kadalag-an ang nagpasaka man sang record ni Eala sa grass court subong nga season sa 10-2.
Sa debut ni Eala sang nagligad nga tuig, napierde ini gilayon sa first round.
Ang iya kadalag-an batok kay Zarazua amo ang iya ikaduha nga pagdaog sa Grand Slam sa iya bug-os nga karera kasunod sang iya paglutos anay kay Clara Tauson sa 2025 US Open.
Sa second round sang Wimbledon, posible nga maatubang ni Eala si former world No. 1 kag 23-time Grand Slam winner Serena Williams kun malutos sang American icon si Maya Joint sang Australia sa iya first-round match.
