Madayon gihapon ang pagpasaka sang kaso nga plunder batok kay Sen. Rodante Marcoleta.
Ini ang ginpahayag ni Ombudsman Jesus Crispin ‘Boying’ Remulla.
Suno sa iya, wala sang nagbag-o sa pihak sang ginapatigayon nga hublag-protesta sang mga tagasuporta sang senador halin sa mga miyembro sang Iglesia ni Cristo.
Ang senador isa ka prominente nga member sang INC.
Subong nga Mierkules ang ikaduha nga adlaw sang rally sa EDSA.
Nanindugan man si Remulla nga wala niya ginmando ang imbestigasyon batok kay Marcoleta angot sa P75 million donation sa iya senatorial campaign sang 2025 nga amo ang rason sang plunder complaint.
Apang suno kay Remulla, ini amo ang isa ka team sa Office of the Ombudsman nga nakita nga maathag ang ebidensya.
