Nagapangabay ang mga manugbaligya sa merkado sang syudad nga dulaon na ang mga naga-bolante sa mga mercado kag hatagan ang mga ini sang kaugalingon nila nga pwesto sa sulod sang mercado.
Sa interview sang Bombo Radyo kay Charlie Chan, Presidente sang Federation of Iloilo City Public Markets, iya ginpahayag nga wala sila nagadumili sa mga nagabaligya nga mga bolanteros apang nagapangabay ini sa alcalde sang syudad nga buligan sila sang ila nga problema sa ila nga pangabuhian.
Pahayag pa sini dako ang ila nga pamierdihan bangud laban sa ila nga mga customers ang nagabakal sang tingob sa mga nagabolante sa gwa sang mercado samtang sila naman nga sa sulod ang indi na makadtuan.
Suno kay Chan, madamo sa ila nga mga manugbaligya ang indi na makasustener sang ila nga kinahanglano bangud sa baylo nga makakita sang kwarta sa ila nga pagbaligya sa sulod sang mercado madamo ang naga-untat bangud magamay lamang ang nagabakal.
Base man sa ila nga pagpangusisa, handa ang mga bolanteros nga ibutang sila sa designated area kun imando sang Local Government Unit.
Ini agud indi na sila Mabasa kun magbundak ang mamunog nga ulan kag ini na magtalang pa ang ila mga customers kun sa diin ang ila nga pwesto.
Pahayag pa ni Chan, pwede man nga ipahamtang ang mga ini sa ikaduha ukon ikatatlo nga panalgan sang mercado agud nga kun may magbakal, malabyan man ang iban nga vendors sa sulod sang kag mabaklan man ang mga ini.
Nagapanawagan man si Chan sa Iloilo Provincial Government nga magbulig sa pagsolbar sang amo nga isyu, bangud suno sa iya, kadam-an sa mga nagabaligya sa mga bolantero ang naghalin sa mga banwa sang probinsya sang Iloilo.
