Gina-verify na sang National Police Commision 6 ang impormasyon nahanungod sa isa ka dismissed police officer nga may warrant of arrest kag gina-alegar masami makit-an sa Molo Police Station.
Suno kay Atty. Michelle Yotoko, Spokesperson sang National Police Commision (NAPOLCOM) 6, iya ginpahayag kabahin ini sang masangkad nga imbestigasyon nga ginapatigayon sang ila opisina agud nga indi na maliwat ang natabo nga pagpangsulod pagpangtaya sa mga kabahin sang myembro sang kapulisan.
Ginpahayag ni Yotoko nga seryoso ang amo nga hitabo bangud posible ini makaapekto sa kredibilidad kag integridad sang kapulisan.
Ginapasiguro sang NAPOLCOM-6 nga mahibaluan gilayon ang matuod nga natabo kag kun may yara sang nalapas nga mga polisa.
Dugang pa ni Yotoko, wala pa nila nakuha ang opisyal nga bahin sang PNP-IMEG bangud wala pa sa Iloilo ang ila mga opisyal.
Ginapaabot nga magahatag ini sang ila pahayag sa Lunes nga adlaw, Hulyo 6.
