Naka-score sang daku nga puntos ang prosecution team sa ikaduha nga adlaw sang impeachment trial batok kay Vice President Sara Duterte.
Ini ang ginpahayag ni House Prosecutor kag Iloilo Third District. Rep. Lorenz Defensor kasunod sang ila presentasyon sang ila una nga testigo nga amo si John Mark Calilung, senior agent sang National Bureau of Investigation (NBI).
Suno kay Defensor, naka-score sila sa mga video ni Vice President Sara Duterte nga gin-play kaina sa impeachment court.
“Score kami sa video na lumabas na dapat naman talagang makita ng impeachment court. Score kami sa ibang mga statements pa na lumabas galing sa bise presidente na sumusuporta sa Articles of Impeachment. Yes, malaking puntos itong araw na to. Ang aming testigo ay nakapaglabas ng ebidensya sa mahusay na pamamaraan ng ating private prosecutor,” suno sa kongresista.
Lakip sa videos amo ang pahayag ni Duterte sa press conference sang Nobyembre 2024 nga kun may matabo sa iya, nakakontak na siya sang tawo agud nga ipapatay si President Bongbong Marcos, First Lady Liza Marcos, kag former House Speaker Martin Romualdez.
Dugang sang Ilonggo solon, pareho man nga daug ang tanan nga kampo subong nga adlaw bangud nangin patas suno sa iya ang korte kag ang presiding officer nga si Senator Chiz Escudero.
“They acted with impartiality, they acted with fairness, and they acted with integrity today,” suno kay Defensor nga nagatumod sa upper chamber nga amo ang nagaserbe nga impeachment court.
