Nagaplano ang prosecution panel nga ipatawag si Vice President Sara Duterte sa nagapadayon sini nga impeachment trial bilang isang hostile witness sa pagtalakay sang Article IV ng Articles of Impeachment.
Ini may kaangtanan sa ginapahayag nga pagpamahog sa kabuhi nanday President Ferdinand Marcos Jr., First Lady Liza Araneta-Marcos kag anay House Speaker Martin Romualdez sa isa ka online press briefing sang Nobyembre 2024.
Sa matandaan nga sa ikaduha nga adlaw sang impeachment trial sa Senado, nagpahayag si prosecution counsel Lorna Kapunan nga magasumite sila sang pormal nga mosyon agud hingyuon sa impeachment court nga ipa-eksplikar si Duterte may kaangtanan sa sini nga artikulo.
Suno kay Kapunan, importante nga ipa-athag sang Bise Presidente ang hitabo kag isa man ini sa mga nagapanguna nga testigo sa isyu sang gina-alegar nga grave threats.
Apang suno kay Senate President kag presiding officer Francis Escudero, wala nagamando ang impeachment rules nga kinahanglan personal nga magtambong si Duterte sa mga trial bangud ginarepresentar naman siya sang iya mga abogado.
Dugang pa ni Escudero, pagadesisyunan lamang sang impeachment court ang pangabay sang prosecution kon mahatag na ang pormal nga mosyon kag makahatag sang sabat ang kampo sang depensa.
Sa pihak sina, ginpabutyag sang prosecution nga wala nila ginatalikdan ang ila kinamatarong nga ipatawag si Duterte sa witness stand paagi sa subpoena kon kinahanglanon.
