Gin-athag ni Atty. Noel Palomado nga estrikto ang korte sa pagbaton sang video recording bilang ebidensya nga ipresentar.
Kaangot ini sa video ni Vice President Sara Duterte sa isa ka press conference sang Nobyembre 2024 kun sa diin nagbuya ini sang indi manami nga mga tinaga nga ipapatay sini si President Ferdinand Marcos Jr., First Lady Liza Araneta-Marcos, kag House Speaker Martin Romualdez kun may matabo sa iya nga malain.
Suno kay Palomado, importante nga magaagi sa proper authentication ang isa ka ebidensya agud indi pag-kwestyunon ang kredibilidad sini sa korte.
Ini agud mapamatud-an nga original kag wala ini na-splice ukon nahimo paagi sa artificial intelligence (AI).
Nahibaluan nga ini nga video ang nadala sa gin-cross examination sang Defense team kahapon nga adlaw kay NBI Senior Agent John Mark Calilung kun sa diin gin-athag man sini ang iya nga pagkaangot kun paano sini nakuha ang video.
Sa amo man nga cross-examination kay Calilung, gin-usisa man ang iya training, eksperyensya, kag kwalipikasyon sa pag-authenticate sang digital evidence agud mapamatud-an sa korte nga ang ginpresentar nga video authentic ukon matuod.
