Magapatigayon sang National Peace Walk sa Quirino Grandstand ang pila ka mga progresibo nga grupo lakip na ang Atin Ito Coalition para sa ika-10 nga anibersaryo sang 2016 Arbitral Award sa West Philippine Sea.
Ini agud ikomemorar ang nangin kadalag-an sang Pilipinas matapos nga opisyal nga ginkumpirma sang United Nations Convention on the Law of the Sea (UNCLOS) nga sakop sang pungsod ang West Philippine Sea nga makapila na ka beses nga gin-angkun sang China.
Sa interview sang Bombo Radyo kay Roberto ‘Ka Dodoy’ Ballon, isa sa mga co-convenor sang nasambit nga koalisyon, iya ginpahayag nga mas maayo nga mapakita gid sang publiko ang ila nga suporta pinaagi sa pagtambong sa mangin Peace Walk.
Suno sa iya, gina-enngganyo nila ang may mga salakyan nga indibidwal nga magbusina bwas nga adlaw agud ipakita ang ila panawagan nga mas pasangkarun ang kinamatarong sang pungsod sa West Philippine Sea.
Lakip man diri ang panawagan kay President Ferdinand Marcos Jr., nga ideklarar nga isa ka West Philippine Sea Victory Day ang Hulyo 12 agud mangin pahanumdom ini sa mga Pilipino nga kabahin sang Pilipinas ang nasambit nga baybayon.
