Nagdaug sang bulawan nga medalya ang isa ka tumandok sang Guimbal, Iloilo sa iya pagpasakop sa 13th Asia Arts Festival 2026 sa Singapore.

Ini amo si Thedd Aldritz G. Maglocot, 12-anyos, Grade 7 learner sang Guimbal National High School.

Sa interview sang Bombo Radyo kay Maglocot, iya ginpahayag nga dako gid nga kalipay ang iya nabatyagan bangud napakita niya sa kalibutan kon ano ang talent may yara ang mga Ilonggo.

Suno kay Maglocot, tatlo ka tuig pa lang siya sang nag-umpisa ang iya hilig sa pagkanta kag nahanas ini sa bulig sang iya ginikanan kag sang mga coaches niya sa pagkanta.

Nagpasalamat man ini sa tanan nga nagbulig sa iya agud matiglawas niya ang Pilipinas sa international stage.

Ang Asia Arts Festival isa ka pagtililipon sang mga talented artists sa bilog nga Asya nga nagahatag sang platform agud mapasundayag ang ila creativity, culture, kag artistic excellence .

Nahibaluan nga sang 2023, si Maglocot ang nagdaug man bilang Junior Champion sa World Championships of Performing Arts sa California, USA.