Patay ang isa ka suldado matapos gintiro sang iya asawa sa ila balay sa Bacolod City.
Wala man nakaluwas ang asawa matapos nga ginbuno man ini sang iya ugangan.
Base sa pagpangusisa, antes ang insidente, nagbaisay ang mag-asawa.
Hinali lang nga may nabatian nga lupok sang pusil kag natumba ang suldado.
Mismo ang amay sang suldado ang nakakita sa natabo sa iya bata rason nga nagbalos ini sa iya umagad kag ginbuno ini sang makapila ka beses.
Matapos ang insidente, boluntaryo nga nagsungka sa kapulisan ang ugangan samtang nagapadayon pa ang imbestigasyon.
Nailo naman ang 11-anyos nga bata sang napatay nga mag-asawa.
