Nagapati ang Bayan Panay nga indi matuod ang ginpa-gwa nga data sang National Anti-Poverty Commission ukon NAPC nahanungod sa pagnubo sang poverty rate sa pungsod.
Sa interview sang Bombo Radyo kay Bayan Panay Secretary General Elmer Forro, iya ginpahayag nga tam-an ka kulang ang 13, 900 nga budget para sa lima ka myembro sang isa ka pamilya sa isa ka bulan.
Suno pa kay Forro, tam an kanubo ang talaksan nga gin gamit sang NAPC sa pagtakos sa kung pila ang budget sang kada pamilya nga ginakulang sa gihapon bangud sa mataas nga presyo sang mga balaklon.
Naghatag man ini sang iya kaugalingon nga suhestyon agud mapanubo ang poverty rate sa pungsod.
Suno pa sa iya nga pinaka epektibo nga solusyon amo ang pagpataas sang sweldo sang mga mamumugon, sweldo nga makasustiner sang ila tanan nga kinahanglanon.
Ginklaro man niya nga indi ayuda ang sabat sa problema sang mga pigado nga Pilipino kundi dapat magpangita sang nagakaigo nga solusyon ang gobyerno kaangay sang paghatag sang mga trabaho sa mga ini.
